මුල්ලවයික්කාල් ස්මාරකය ඩෝසර් කර දමයි යාපන සරසවියේ උණුසුම් තත්වයක් STF බලඇණි කැදවයි

මුල්ලවයික්කාල් ස්මාරකය ඩෝසර් කර දමයි යාපන සරසවියේ උණුසුම් තත්වයක් STF බලඇණි කැදවයි

යාපනය විශ්වවිද්‍යාල භූමිය තුල ඉදිකොට තිබූ මුල්ලිවයික්කාල් යුද සැමරුම් ස්මාර් කය කඩා ඉවත් කිරීමත් සමග සිසුන්, දේශාපලන නියෝජිතයින් හා ප්‍රදේශවාසීන්ගේ දැඩි නොසන්සුන්කාරී හැසිරීම ඊයේ (08) රාත්‍රියේම පාලනය කල බවට කෝපායි පොලීසිය පැවසුවා

මුලතිව් මුල්ලිවයික්කාල්හි අවසන් යුද සමයේදී මිය ගිය ජනතාව සිහිකිරීම වෙනුවෙන් යැයි පවසමින් යාපනය විශ්වවිද්‍යාලයේ මහා ශිෂ්‍ය සංගමය විසින් විශ්වවිද්‍යාල භූමිය තුල ඉදිකොට තිබූ යුද ස්මාර් කය ඊයේ (08) රාත්‍රියේ බැකෝ යන්ත්‍රයක් යොදා සම්පූරණයෙන්ම ඉවත් කිරීමට පියවර ගෙන තිබුනා

විශ්වවිද්‍යාල ප්‍රතිපාදන කොමිෂණ් සභාව, යාපනය විශ්වවිද්‍යාල පාලනාධිකාරියේ සහ ආරක්ෂක අංශ වල මෙහෙයවීම මත මෙලෙස ඊයේ (08) රාත්‍රියේ කිසිවෙකුටත් නොදන්වාම යුද සැමරුම් ස්මාර් කය කඩා ඉවත් කිරීම දැඩි අසාධාරණ ක්‍රියාවක් බව පවසමින් පළමුව විශ්වවිද්‍යාල සිසුන් පිරිසක් විරෝධතාවය ප්‍රකාශ කරමින් නොසන්සුන්කාරීව හැසිර තිබුනනා

අනතුරුව අදාල ස්ථානයට දේශපාලන නියෝජිතයින් හා ප්‍රදේශවාසීන් පැමිණ දැඩි නොසන්සුන්කාරීව හැසිරීම හේතුවෙන් කෝපායි පොලීසිය තත්වය පාලනය කිරීම සඳහා යාපනය පොලිස් විශේෂකාර් ය බලකාය කැඳවීමට පියවර ගෙන තිබුනා

අනතුරුව විශ්වවිදයාල භූමියට කිසිවෙකුටත් ඇතුල්වීමට නොහැකිවන පරිදි ආරක්ෂාව යෙදවූ අතර නොසන්සුන් තත්වය පාලනය කිරීමටද ආරක්ෂක අංශ පියවර ගැනීමත් සමග විරෝධතා කරුවන් විසින් විශ්වවිද්‍යාලයේ දොරටුව ඉදිරියේ ඇති මාර්ගයේ හිඳ විරෝධතාවය පල කර සිටියා

මෙම විරෝධතාවයන්ට දෙමළ ජාතික සන්ධානය, දෙමළ ජාතික ජනතා පෙරමුණේ නියෝජිතයින් ඇතුලු පිරිසක් සහභාගී වී විරෝධතාවය පල කරමින් කියා සිටියේ යුද්දයේදී දෙමළ ජනතාව මිය ගිය ආත්මයන් සිහි කිරීම සඳහා තිබූ සංකේතයන්ද මෙලෙස කඩා දැමීමෙන් දෙමළ ජනතාවගේ අයිතීන් දැඩි ලෙස උල්ලංඝනය කිරීමක් සෙයින් මෙම යුද සැමරුම් ස්මාර් කය ඉවත් කිරීම දැඩි ලෙසින් හෙලා දකිනවා

අද (09) උදෑසන වන විටද යාපනය විශ්වවිද්‍යාල භූමිය අවට ආරක්ෂාව තර කොට ඇති බවටත් අදාල නොසන්සුන් කාරීව කටයුතු කල අය සම්බබන්ධයෙන් පරික්ෂණයක් අරඹා ඇති බවටද කෝපායි පොලීසිය වැඩි දුරටත් පවසා සිටියා

– වන්නි රොමේෂ් මධුෂංඛ

Leave a Reply

Your email address will not be published. Required fields are marked *