රත්රන් නිධියේ කැණීම්වලට කැබිනට් අනුුමැතිය පතයි වටිනාකම ගණනය කරන්න බෑ

රත්රන් නිධියේ කැණීම්වලට කැබිනට් අනුුමැතිය පතයි වටිනාකම ගණනය කරන්න බෑ

ත්‍රිකුණාමලය සේරුවාවිල පිහිටි වර්ග කිලෝමීටර් 54ක පමණ වපසරියකින් යුත් බවට මේ වන විට හඳුනාගෙන ඇති රන් ආකරය සම්බන්ධයෙන් කඩිනමින් කැබිනට් මණ්ඩලයට කැබිනට් පත්‍රිකාවක් ඉදිරිපත් කරන බව පරිසර ඇමැති මහින්ද අමරවීර මහතා පවසයි. අද (11) පැවැත්වෙන කැබිනට් මණ්ඩල රැස්වීමේදී මේ සම්බන්ධයෙන් දැනුම්වත් කරන බවද ඇමැතිවරයා කියා සිටියා

වසර 1971 දී භූ විද්‍යා හා පතල් කාර්‍යාංශය විසින් විදේශ රටවල සහාය ඇතිව සිදු කරන ලද සමීක්ෂණයකට අනුව එම වාර්තා පදනම් කරගනිමින් මීට මාස කිහිපයකට ඉහතදී භූ විද්‍යාඥයන් විසින් එහි ඇති ද්‍රව්‍ය ගෙනවිත් යක්කල පිරිටි පර්යේෂණාගාරයේදී සිදු කළ පරීක්ෂණයකින් එහි රන් පවතින බවට අනාවරණය වී තිබෙනවා

එමෙන්ම ස්ථාන තුනක පිහිටා ඇති මේ නිධිවලින් රන්වලට අමතරව තඹ සහ යකඩ ද ඇති බවට තහවරු වී තිබෙනවා

එකම ස්ථානයක රන් තඹ සහ යකඩ පිහිටා ඇති බව හඳුනාගත් එකම අවස්ථාව මෙය වන අතර 1971දී සිදු කළ පරීක්ෂණවලට අනුව මේ ද්‍රව්‍යයන් ඇති බවට අනුමාන කර තිබෙනවා

නව තාක්ෂණය යොදා ගනිමින් සිදු කළ පර්යේෂණයන් සහ අනෙකුත් කරුණු සම්බන්ධයෙන් කැබිනට් මණ්ඩලය දැනුවත් කරන බව කියා සිටි පරිසර ඇමැති මහින්ද අමරවීර මහතා කර්මාන්ත අමාත්‍යාංශය ඇතුළු අංශ ගණනාවක් ඒකාබද්ධව මේ කැනීම් සිදු කරනු ලබන බවත් එහි ලැබෙන ප්‍රතිඵල මෙරට ජනතාවට ලබා දීම කඩිනමින් සිදු කරන බවත් කියා සිටියා

Leave a Reply

Your email address will not be published. Required fields are marked *