කොරියන් ජපන් ඉන්දියන් වාහන මෙරට හදන්න සාකච්චා

කොරියන් ජපන් ඉන්දියන් වාහන මෙරට හදන්න සාකච්චා

වාහන ආනයනය නවතා ඇති මොහොතක ඊට කඩිනම් දේශීය විකල්පයක් කෙරෙහි අවධානය යොමු කරමින් තම අමාත්‍යාංශය මගින් සැකසූ ශ්‍රී ලංකාවේ වාහන නිෂ්පාදනය එකලස් කිරීම සහ වාහන නිපදවීම පිළිබඳ සම්මත මෙහෙයුම් පටිපාටියට කැබිනට් අනුමැතිය ලැබුණු බවත් එය මෙරට වාහන එකලස් කිරීමේ කර්මාන්තයේ සුවිශාල පෙරළියකට මග පාදන්නක් බවත් කර්මාන්ත අමාත්‍ය විමල් වීරවංශ මහතා පවසනවා

වාහන ආනයනය නැවතීමෙන් පසුව මෙරට වාහන ආනයනික සමාගම් තමන් සමග සාකච්ඡා කිහිප වතාවක් පවත්වා ඇති බවත් එහිදී ඔවුන්ගේ මව් සමාගම් මෙරට වාහන එකලස් කිරීමේ කර්මාන්තය වෙනුවෙන් ආයෝජනය කිරීමට කැමැත්තෙන් සිටින බවත් ඒ සඳහා ශ්‍රී ලංකාවේ වාහන එකලස් කිරීම පිළිබඳ සම්මත මෙහෙයුම් පටිපාටියක අවශ්‍යතාව පෙන්වා දුන් බවත් කර්මාන්ත අමාත්‍යවරයා පෙන්වා දුන්න

ජපන් ඉන්දියානු කොරියන් වාහන නිෂ්පාදන සමාගම් ඒ අතර වන බවත් ඔවුන් මෙරට තුළ වාහන එකලස් කිරීම ඇරඹූ විට දේශීය අගය එකතු කිරීමට සාපේක්ෂව බදු සහන ලැබෙන බවත් ඊට අදාළ දේශීය අගය එකතු කිරීමේ සූත්‍රය හා න්‍යාසය මෙම සම්මත මෙහෙයුම් පටිපාටිය තුළ අන්තර්ගතව ඇති බවත් වීරවංශ මහතා පවසා සිටියා

මෙවැනි රාජ්‍ය වාණිජ ප්‍රතිපත්තියක් ශ්‍රී ලංකාව තුළ ස්ථාපිත වීම හරහා මෙතෙක් ආනයනය කරනු ලැබූ වාහන මෙරට තුළ එකලස් කර ආනයනික මිලට වඩා සාධාරණ මිලකට ලබා ගැනීමට මෙරට ජනතාවට ඉඩකඩ ලැබෙනු ඇති බව පවසන අමාත්ය වරයා එමගින් මෝටර් රථ කර්මාන්තය සංවර්ධනය කිරීමේ ඉහළ විභවතාවක් නිර්මාණය වන බවත් සදහන් කලා

මේ අනුව ආනයනික මෝටර් රථ පමණක් නොව මෝටර් බයිසිකල් විදුලි ත්‍රීවිල් රථ වැනි වාහන මෙරට තුළ එකලස් වනු ඇති බවත් එය මෙරට කර්මාන්ත ක්ෂේත්‍රයේ හැරවුම් ලක්ෂ්‍යයක් වන බවත් වීරවංශ මහතා වැඩිදුරටත් ප්‍රකාශ කලා

අනුරුද්ධ බණ්ඩාර රණවාරණ,
මාධ්‍ය ලේකම්,
කර්මාන්ත අමාත්‍යාංශය

Leave a Reply

Your email address will not be published. Required fields are marked *