රත්නපුරේ ජනතා සිහිනය මැණික් කුළුණයි එය ඉදි කර සිහිනය යථාර්ථයක් කරනවා අගමැති කියයි

රත්නපුරේ ජනතා සිහිනය මැණික් කුළුණයි එය ඉදි කර සිහිනය යථාර්ථයක් කරනවා අගමැති කියයි

රත්නපුරේ ජනතාව දශක කිහිපයක් බලා සිටි මැණික් කුලුනක් ඉදිවීමේ සිහිනය අද පටන් යථාර්ථයක් වන බව ගරු අග්‍රාමාත්‍ය මහින්ද රාජපක්ශ මහතා ඊයේ (15) දින පවසා සිටියා

රත්නපුර දෙමුමාවත මහින්ද රාජපක්ෂ ජාත්‍යන්තර මැණික් කුලුනට මුල්ගල් තැබීම නිමිත්තෙන් අන්තර්ජාල වීඩියෝ තාක්ෂණය ඔස්සේ සුබ පැතුම් එක් කළ අග්‍රාමාත්‍ය මහින්ද රාජපක්ෂ මහතා මේ බව සඳහන් කලා

ඒ අනුව ඉදිරි වසර 4ක කාලය තුළ මැණික් හා ස්වර්ණාභරණ ක්ෂේත්‍රයෙන් අමෙරිකානු ඩොලර් බිලියන 5ක විදේශ විනිමය ලැබෙනු ඇතැයි ත රජය අපේක්ෂා කරන බව අග්‍රාමාත්‍යවරයා මෙහිදී පවසා සිටියා

රත්නපුර මහින්ද රාජපක්ෂ ජාත්‍යන්තර මැණික් කුලුනට මුල්ගල් තැබීම කර්මාන්ත අමාත්‍ය විමල් වීරවංශ මැණික් හා ස්වර්ණාභරණ ආශිත්‍ර කර්මාන්ත රාජ්‍ය අමාත්‍ය ලොහාන් රත්වත්තේ මැණික් හා ස්වර්ණාභරණ අධිකාරියේ සභාපති තිලක් වීරසිංහ යන මහත්වරුන් ඇතුළුව මැති අමැතිවරුන් රැසකගේ ප්‍රධානත්වයෙන් ඊයේ දින රත්නපුර දෙමුමාවත දී මෙම කර්තව්ය සිදු විය

ඒ වෙනුවෙන් සුබ පැතුම් එක් කළ අග්‍රාමාත්‍ය මහින්ද රාජපක්ෂ මහතා මෙසේ පවසා සිටියා

අපේ මාතෘ භූමිය අපි හදුන්වන්නෙ රත්න දීපය කියලා ඒ තරම් වටිනාකමක් ලෝකය හමුවේ මැණික් කර්මාන්තයෙන් අපට ලැබෙනවා මේ කර්මාන්තය අද ඊයේ ඇති වූවක් නොවෙයි වර්ෂ ගණනාවක් අපේ මුතුන් මිත්තන් මේ පොළොවෙන් මතුවන මැණික්වල වටිනාකම් රටට දායාද කල පිරිසක්
ලොව දියුණවත් සමඟ මේ කර්මාන්තයත් ඉදිරියට ගියා. ශ්‍රී ලංකාව පමණක් නෙවෙයි ලොව බොහෝ රටවල් තරගකාරීව මැණික් කර්මාන්තයට ප්‍රවිශ්ට වුණා හැබැයි අපේ රටට ඇතැම් කාල වකවානුවල ඒ සඳහා අවධානයක් යොමු කළේ නැහැ

එහි ප්‍රතිඵලයක් ලෙස මැණික් කර්මාන්තයේ නියැලෙන ව්‍යාපාරිකයන් මෙන්ම සේවකයන් විවිධ දුෂ්කරතාවලට මුහුණ දුන්න ඔවුන්ගේ පවුල්වල දරුවන්ටත් එහි බලපෑම් එල්ල ඇති වුනා

රජයක් විධියට අප සෑම අවස්ථාවකම මැණික් කර්මාන්තකරුවා රැක ගැනීමට වෙහෙසිලා කටයුතු කලා මැණික්වල වටිනාකම රටේ වටිනාකමට යා කරගැනීමට විවිධ ක්‍රියාමාර්ග ගත්ත රත්නපුරේ ඔබට මැණික් ගැන අමුතුවෙන් කිව යුතු නැහැ සබරගමුව වගේම තවත් පළාත් කිහිපයක සිදුවන මෙම මැණික් කර්මාන්තයට වෙනදාට වැඩි අවධානයක් අපි යොමු කිරීමට කටයුතු කරනව

සෞභාග්‍ය යේ දැක්ම යටතේ රත්නපුරට මැණික් කුලුනක් ඉදිවීම අද පටන් යථාර්ථයක් වන බව මම ඔබට ප්‍රකාශ කරනව එය ඔබ දශක ගණනාවක් බලා සිටි සිහිනයක සැබෑවක්

අද ඉදිවන මෙම අති නවීන මැණික් කුලුනේ ස්වර්ණාභරන අධිකාරියේ කාර්යාල සංකීර්ණයක් වෙළඳ සංකීර්ණයක් බැංකු පද්ධතියක් අධි ආරක්ෂණ පද්ධතියක් මෙන්ම ඔබට අවශ්‍ය වාහන නැවැත්වීමේ අංගනයක් ද ඉදිකිරීමට කටයුතු කර තිබෙනවා

අපේ මෙම උත්සාහය මල් ඵල දරන විට ඉදිරි වසර 4ක කාලය තුළ මැණික් හා ස්වර්ණාභරණ ක්ෂේත්‍රයෙන් අමෙරිකානු ඩොලර් බිලියන 5ක විදේශ විනිමය ලැබෙනු ඇති බවට අපි විශ්වාස කරනවා

මෙම කටයුත්ත සාර්ථක කරගැනීමට වෙහෙසෙන කර්මාන්ත ඇමතිතුමාටත් මැණික් හා ස්වර්ණාභරණ ආශිත්‍ර කර්මාන්ත රාජ්‍ය ඇමතිතුමාටත් ජාතික මැණික් හා ස්වර්ණාභරණ අධිකාරියටත් මාගේ ස්තූතිය පිරිණමනවා

මැණික් කර්මාන්තයේ නිරත ඔබ සැමට සුබ අනාගතයක් වේවා ! යැයි අග්‍රාමාත්‍යතුමා සුබ පැතුම් එක් කරමින්පවසාඅ සිටියා

මැණික් හා ස්වර්ණාභරණ ආශ්‍රිත කර්මාන්ත රාජ්‍ය අමාත්‍යංශ ලේකම් එස්.එම් පියතිස්ස මහතා මෙම අවස්ථාවට පැමිණි සම්භාවනීය අමුත්තන් පිළිගෙන මුල්ගල් තබන ස්ථානයට කැදවාගෙන ගියා

මැණික් හා ස්වර්ණාභරණ අධිකාරියේ සභාපති ඇතුළු එම අධිකාරියේ සේවක පිරිස මෙම උත්සවය සංවිධානය කර තිබුනා

මෙම අවස්ථාවට සෞඛ්‍ය ඇමතිනී පවිත්‍රා වන්නිආරච්චි රාජ්‍ය අමාත්‍ය ජානක වක්කුඹුර පාර්ලිමේන්තු මන්ත්‍රීවරුන්ව වන ජෝන් සෙනවිරත්න ගාමිණී වලේබොඩ සහ සබරගමු පළාත් ආණ්ඩුකාර ටිකිරි කොබ්බෑකඩුව ඇතුළු මහත්ම මහත්මීන් පිරිසක් මෙම කර්තව්යට එක්ව සිටියා

රොහාන් වැලිවිට
අග්‍රාමාත්‍ය මාධ්‍ය ලේකම්

Leave a Reply

Your email address will not be published. Required fields are marked *